BBC: Do të mbrohemi kundër padisë së Trump për shpifje

BBC ka deklaruar sot se do të mbrohet kundër një padie për shpifje të ngritur në SHBA nga presidenti amerikan, Donald Trump. Trump kërkon 10 miliardë dollarë nga BBC për transmetimin e fragmenteve të redaktuara të fjalimit të tij më 6 janar 2021, përpara se mbështetësit e tij të sulmonin Kapitolin federal në kryeqytetin e SHBA-së.

“Siç e kemi bërë të qartë tashmë, ne do ta mbrojmë këtë çështje. Nuk do të bëjmë asnjë koment të mëtejshëm mbi procedurat ligjore në vazhdim”, tha një zëdhënës i BBC-së në një deklaratë.

Trump argumenton se mënyra se si u montuan klipet e tregonte atë duke u bërë thirrje mbështetësve të tij të shkonin me të në Kongres dhe të luftonin në një “luftë të tmerrshme”, ndërsa fraza që bënte thirrje që mobilizimi të ishte paqësor u hoq.

BBC i ka kërkuar falje publikisht presidentit të SHBA-së dhe ka pranuar montimi krijoi përshtypjen e rreme se ai po bënte thirrje drejtpërdrejt për dhunë. Megjithatë, shtoi se nuk besonte se kishte një bazë ligjore për ta paditur atë.

LEXONI GJITHASHTU:

• Çfarë ndodh pas kërkesës së SPAK për arrestimin e Ballukut? Hapat që ndjek Kuvendi
• Kryeministri izraelit sulmon xhaminë në Jerusalem, vendi i 3-të më i shenjtë në botë