Bashkimi Evropian ka miratuar kundërmasat e para në përgjigje të tarifave prej 25% të vendosura nga Shtetet e Bashkuara për eksportet evropiane të çelikut dhe aluminit. Vendimi u mor pas miratimit unanim të një propozimi nga vendet anëtare të BE-së.
Në një deklaratë zyrtare, Komisioni Evropian theksoi se tarifat amerikane janë të pajustifikuara dhe të dëmshme, jo vetëm për ekonominë e BE-së dhe SHBA-së, por edhe për ekonominë globale në tërësi. “BE-ja mbetet e përkushtuar ndaj një zgjidhjeje të negociuar, që të jetë e drejtë, e balancuar dhe me përfitim reciprok për të dyja palët”, thuhet në deklaratë.
Kundërmasat do të hyjnë në fuqi më 15 prill dhe përfshijnë detyrime të reja për mallrat e importuara nga SHBA, megjithatë Komisioni nuk ka publikuar ende detaje specifike mbi produktet e prekura.
BE-ja la të hapur mundësinë e pezullimit të masave nëse Shtetet e Bashkuara bien dakord për një marrëveshje të drejtë dhe të balancuar.
LEXONI GJITHASHTU:
- Truri i Trump për tarifat përplaset me Elon Musk: Montues makinash, mos fol
- Tarifat e Trump godasin rëndë tregjet në Azi, shënojnë rënien më të madhe në dekada
- Bursat “derdhin gjak”, efektet e tarifave amerikane: Rënie në SHBA, Evropë e Azi
