BE-ja do të miratojë sanksione të reja kundër Rusisë, thotë ministri francez

Bashkimi Europian mund të miratojë një raund të ri sanksionesh kundër Rusisë të mërkurën pas raportimeve për vrasjet e civilëve në Ukrainën veriore nga forcat ruse, thotë ministri francez i Çështjeve Evropiane, Clement Beaune, raporton CNN.

“Sanksionet e reja ndoshta do të miratohen nesër”, tha ai për radion RFI të martën, duke shtuar se BE-ja gjithashtu duhet të veprojë shpejt për importet e gazit dhe qymyrit nga Rusia.

Rusia mohoi çdo akuzë në lidhje me vrasjen e civilëve, përfshirë në Bucha.

I dërguari i saj në Kombet e Bashkuara, Vasily Nebenzya, thotë se Rusia do të paraqesë prova të qarta në Këshillin e Sigurimit të Kombeve të Bashkuara të martën që tregojnë se forcat e saj nuk ishin të përfshira në mizori.

LEXONI GJITHASHTU:

• “Një tjetër provokim”, Rusia i quan inskenim pamjet në Bucha
• Gjermania merr kontrollin e ‘Gazprom Germania’, BE e përçarë për gazin rus