BE-ja ndan 145 milionë shtesë ndihmë për Moldavinë

Kryetarja e Parlamentit Evropian, Roberta Metzola, tha sot se BE-ja ka ndarë 145 milionë euro shtesë ndihmë për Moldavinë dhe theksoi se e ardhmja e vendit është në Bashkimin Evropian.

“Tre javë më parë në Kishinau, i thashë popullit të Moldavisë se ata nuk janë vetëm. Sot ne po japim 145 milionë euro të tjera për të mbështetur reformat e Moldavisë ndërsa vendi vazhdon të përballet me kërcënimet ruse. E ardhmja e Moldavisë është në Bashkimin Evropian”, Mezzola ka shkruar në Twitter.

Sot, Këshilli i Ministrave të BE-së vendosi pothuajse dyfishimin e shumës së ndihmës makro-financiare për Moldavinë.

Në prill 2022, u miratua një ligj që i mundëson BE-së t’i japë Moldavisë ndihmë financiare me 150 milionë euro. Sot kjo shumë është rritur për 145 milionë euro, që do të thotë se Moldavia do të ketë në dispozicion gjithsej 295 milionë euro, njoftoi Këshilli i BE-së.

Ndihma makro-financiare e BE-së synon të mbështesë programin e stabilizimit ekonomik dhe reformës strukturore të Moldavisë, duke plotësuar fondet e disponueshme sipas marrëveshjes financiare me FMN-në.