BE-ja vendos sanksione ndaj kanalit Russia Today, operon nga Serbia

Kanali Russia Today (RT) Balkan, një kanal i Rusisë që operon dhe transmeton nga territori i Serbisë, është përfshirë në listën e entiteteve të cilat Bashkimi Evropian do t’i sanksionoj në paketën e 11 të sanksioneve kundër Rusisë.

Radio Evropa e Lirë ka pasur qasje në vendimin e përgatitur të BE-së ku shihet se ky kanal është i përfshirë për tu sanksionuar.

Nga burimet diplomatike mësohet se BE-ja edhe zyrtarisht ka dorëzuar listën me të gjitha entitetet që do të shtohen në listën e sanksioneve dhe aty është edhe RT Balkan.

Nga mediat që do të sanksionohen, sepse akuzohen se shpërndajnë propagandën ruse dhe përhapin dezinformata, janë edhe platformat: “Oriental review”, “Tsargrad”, “Kategon” dhe “New Weastern Outlook”.

Sipas këtij vendimi sanksionet ndaj këtyre mediave do të hyjnë në fuqi me 1 tetor të këtij viti.

Russia Today për Ballkanin, me seli në Beograd, ka nisur transmetimin në gjuhën serbe në nëntor të vitit 2022, gjysmë viti pas nisjes së agresionit të Rusisë ndaj Ukrainës.

Qëllimi i paketës më të re të sanksioneve të BE-së ndaj Rusisë është parandalimi i shmangies së sanksioneve përmes vendeve të treta.

Kanali Russia Today tashmë është nën sanksione të BE-së por jo edhe disa degë që i ka ky medium në vendet jashtë Rusisë dhe jashtë BE-së.

LEXONI GJITHASHTU:

• “Marrëveshja e Shqipërisë me muxhahedinët, bukë e thyer”, juristi: Ka mundësi dëbimi
• Muzeu historik i Fierit zhvillon aktivitete në nderim të Pierre Cabanes