“Marrëveshja e Shqipërisë me muxhahedinët, bukë e thyer”, juristi: Ka mundësi dëbimi

Juristi Romeo Kara ishte këtë të enjte i ftuar për një intervistë ne Euronews Albania, ku ka folur për ngjarjet e ndodhura së fundmi në kampin ku janë vendosur muxhahedinët në Shqipëri. Ai tha se pas operacionit policor të zhvilluar në ambientet e MEK në Manzë pritet të ketë ndjekje penale për disa muxhahedinëve.

Juristi e konsideroi marrëveshjen mes tyre dhe Shqipërisë si një “bukë të thyer”, pasi sipas tij ata nuk i kanë respektuar ligjet e vendit tonë dhe kanë shkelur marrëveshjen për të cilën kanë rënë dakord me shtetin shqiptar, ndaj sipas tij mund të ketë edhe largim të tyre.

“Një pjesë e tyre do përballet me ligjin, pasi kështu vihet në vend dinjiteti i shtetit. Ne nuk mund të tolerojmë më shkeljen e ligjit për arsye se këta janë miq, janë Iranian, këta nuk kanë asnjë lloj imuniteti, mund të trajtohen si shtetas të huaj apo si pa shtetësi, kjo është e parashikuar nga kodi ynë penal shumë qartë.

E dyta, kjo është një bukë e thyer, nëse ata nuk rrinë sipas marrëveshjes, marrëveshja është thyer. Kanë krijuar problem me njëri-tjetrin, nuk ka ndërhyrë. Këta nuk janë komuniteti izraelit në kohën e perandorisë romake që problemet brenda komunitetit  t’i zgjidhin me ligjet e tyre, duhet të përshtaten me ligjet e vendit, nuk i kanë respektuar, ndaj mendoj se kjo është një bukë e thyer e mund të vij një ditë largimi i tyre”,-tha juristi Romeo Kara.

LEXONI GJITHASHTU:

• Si e shohin rusët luftën? Sondazhet, 76 për qind e qytetarëve mbështesin ushtrinë
• Më shumë se 5 orë në SPAK, Ahmetaj përfundon dëshminë: Sqaruam pozicionin…