BE luftë me Twitter, rrjeti social braktis kodin e sjelljes kundër dezinformimit

Komisioni Evropian ka akuzuar hapur Twitter se ka zgjedhur përballjen duke mos respektuar kodin vullnetar të sjelljes të BE-së kundër dezinformimit online.

Kodi vullnetar, i publikuar në 2018-n, aktualisht përfshin 44 platforma online, me Twitter që është kompania më e madhe dhe e vetme që nuk e ka respektuar. Për Komisionin, ky është një vendim i gabuar.

“Ne besojmë se ky është një gabim. Se Twitter ka zgjedhur përplasjen. Kjo u vu në dukje në Komision. Unë e di që kodi ynë është vullnetar, por mos bëni gabim, duke braktisur kodin, Twitter ka tërhequr shumë vëmendje dhe veprimet e tij dhe përputhja e tyre me ligjet e BE-së do të kontrollohet në mënyrë të rreptë dhe urgjentisht”, tha Vera Jourova, zv.presidente e Komisionit Evropian.

Nëntorin e kaluar, miliarderi ELon Musk përfundoi blerjen e rrjetit social, duke ndërmarrë reforma të mëdha, përfshirë daljen nga kodi evropian i sjelljes, që nuk është i detyrueshëm.

Kjo do të thotë se për momentin Twitter nuk do të jetë pjesë e një sistemi vullnetar për gjenerimin e përmbajtjeve të inteligjencës artificiale që Komisioni njoftoi të hënën.

Synimi është të ndihmojë përdoruesit online të identifikojnë atë që bëhet përmes Inteligjencës Artificiale, me qëllim luftimin e dezinformimit.

“E kam thënë disa herë, që ne e kemi për detyrë mbrojtjen e lirisë së shprehjes, por kur bëhet fjalë për produktet e Inteligjencës Artificiale, nuk besoj se kompjuterët mund të kenë liri shprehjeje”, u shpreh Vera Jourova, zv.presidente e Komisionit Evropian.

komisioni kërkon të ketë një sistem etiketimi të Inteligjencës Artificiale, që të vihet në punë sa më parë.

LEXONI GJITHASHTU:

• Twitter pranon se kishte probleme me sigurimin e privatësisë së përdoruesve
• Trendi i pushimeve nga puna në Twitter vazhdon