BE miraton dozën përforcuese anti-COVID nga kompania franceze Sanofi

Kompania franceze Sanofi njoftoi se ka marrë miratimin e Bashkimit Evropian për dozën e saj përforcuese të vaksinës kundër Covid-it, e cila pas një zhvillimi të gjatë është bërë bashkë me partnerin britanik GSK.

Vaksina Vid Previtin Beta mund t’u jepet njerëzve që kanë pasur tashmë një vaksinim parësor me vaksina të tjera të miratuara, deklaroi prodhuesi francez i barnave dhe Agjencia Evropiane e Barnave në deklarata të veçanta, raportoi Reuters.

Dërgesat janë gati për shpërndarje në vendet evropiane sipas marrëveshjeve të blerjes paraprake, sipas një deklarate nga Sanofi, e cila më parë tha se Bashkimi Evropian dhe Britania kishin porositur 75 milionë doza të vaksinës.

Vaksina bazohet në proteinat virale laboratorike, të ofruara nga Sanofi, dhe një adjuvant nga GSK, i cili rrit përgjigjen imune.

Përforcuesi i Sanofi thuhet se përmban proteinat sipërfaqësore të variantit të koronavirusit Beta, i cili u identifikua për herë të parë në Afrikën e Jugut në mesin e vitit 2020, për t’u zëvendësuar në 2021 nga Delta dhe më vonë Omikron.

LEXONI GJITHASHTU:

• Shkencëtarët besojnë se COVID mund të ketë ndryshuar personalitetet tona
• 1 viktimë dhe 15 të infektuar nga COVID-19 në Shqipëri