BE miraton sanksione në fushën e energjisë ndaj Rusisë

Bashkimi Evropian miratoi të enjten dritën paketën e pestë të sanksioneve ndaj Rusisë për pushtimin e Ukrainës, e cila për herë të parë prek sektorin e energjisë me ndalimin e importeve të qymyrit rus, si  dhe përmban embargon ndaj armëve ruse dhe ndalimin e eksportit të teknologjive në Rusi.

Në rezolutën e miratuar të enjten në sesionin plenar të Parlamentit Evropian në Strasburg, euro-deputetët kërkuan masa shtesë ndaj Moskës për shkak të agresionit të saj, përfshirë ndalimin tërësor të importeve të gazit rus.

Rezoluta u miratua me 513 vota pro, 22 kundër dhe 19 abstenime.

Dokumenti vë në dukje se një vendim i tillë duhet të shoqërohet nga një plan veprimi që synon garantimin e furnizimit me energji të BE-së, si dhe nga një strategji për lehtësimin e sanksioneve nëse Rusia nis të respektojë pavarësinë, sovranitetin dhe integritetin territorial të Ukrainës brenda kufijve të njohura ndërkombëtarisht, apo nëse tërheq trupat nga territori i saj.

Rezoluta bën gjithashtu thirrje që Rusia të përjashtohet nga G20-a, OBT, UNESCO dhe një seri organizatash ndërkombëtare.

LEXONI GJITHASHTU:

• SHBA vendos sanksione për vajzat e Putinit