BE në bisedime për të ngrirë asetet e Putin

Bashkimi Europian po diskuton për ngrirjen e aseteve të presidentit rus Vladimir Putin dhe ministrit të jashtëm Sergei Lavrov, si kundërpërgjigje ndaj pushtimit të Ukrainës, konfirmon Euronews.

Thënë ndryshe, bankat e BE do ta kenë të ndaluar t’iu japin fonde, edhe pse kjo mund të varet sesa dakord do të bien me këtë vendim institucionet financiare.

Vendimi nuk do të përfshijë ndalimin e udhëtimeve, masë e cila shpesh shoqërohet me ngrirjen e aseteve, në mënyrë që të lihen hapur kanalet diplomatike.

Emri i Putin dhe Lavrov nuk përmendej në paketën e mëparshme të sanksioneve dhe ishte e paqartë nëse drafti i fundit do të ndëshkonte dy figurat më të njohura të qeverisë ruse.

Shpejtësia me të cilën po vijojnë sulmet në Ukrainë ka vënë nën trysni të madhe vendet e Perëndimit, pasi iu kërkohet që të marrin masa më të ashpra.

Sanksionet e reja pritet të shpallen mbrëmjen e së premtes dhe do të hyjnë në fuqi menjëherë pas publikimit në Fletoren Zyrtare të BE.

Sipas Fortune Magazine, Putin ka një pasuri që mund që mund të variojë nga $70 miliardë në $150  miliardë.

LEXONI GJITHASHTU:

• Ukraina mobilizon forcat në Kiev, ndërsa rusët po afrohen
• Zelensky apel Putinit për dialog
• NATO në mbledhje emergjente për luftën në Ukrainë