BE po investon më shumë se 65 milionë euro në zhvillimin e inteligjencës artificiale

Komisioni Evropian (KE) ka njoftuar se do të investojë më shumë se 65 milionë euro në zhvillimin e inteligjencës artificiale (AI), përfshirë 50 milionë që do të ndahen për financimin e projekteve që synojnë zhvillimin e mënyrave të reja të kombinimit të të dhënave.

KE lëshoi ​​thirrje për propozime për financimin e projekteve në fushën e inteligjencës artificiale dhe teknologjisë kuantike brenda programit të kërkimit dhe inovacionit Horizon Europe 2023-2024, raportoi ANSA.

KE thekson se projektet kanë për qëllim përmirësimin e besueshmërisë së sistemeve të AI dhe ofrimin e njohurive të rëndësishme në proceset vendimmarrëse të inteligjencës artificiale.

“Këto investime do të ndihmojnë zhvillimin e teknologjisë së AI në përputhje me Ligjin për Inteligjencën Artificiale dhe qasjen evropiane të inteligjencës artificiale me në qendër njeriun”, thuhet në deklaratë.

LEXONI GJITHASHTU:

• Microsoft do investojë 2.9 miliardë dollarë në inteligjencën artificiale në Japoni
• Musk: Inteligjenca artificiale do ta kalojë inteligjencën njerëzore vitin e ardhshëm