Beatles bëjnë sërish histori, publikohet kënga ‘e fundit’

Një video muzikore zyrtare për “Now and Then“, me regji të Jackson, do të shfaqet premiere më 3 Nëntor në kanalin e YouTube të Beatles, por audio origjinale është publikuar një ditë më parë dhe ka përlotur fansat në mbarë botën.

Demoja e Lennon u braktis në vitet ’90 për shkak të vështirësive teknike, sidoqoftë, me përdorimin e teknologjisë së inteligjencës artificiale që Peter Jackson përdori për të ndarë zërat nga zhurma e sfondit në dokumentarin “Get Back” të Beatles të vitit 2021, ai arriti të izolonte vokalin e Lennon.

Për vite me radhë dukej sikur kënga nuk mund do përfundonte kurrë, por vitin e kaluar McCartney, Starr, bashkëproducenti Giles Martin dhe të tjerë e përfunduan këngën, duke lënë vetëm vokalin origjinal të Lennon dhe tingujt e kitarës të Harrison të vitit 1994. Kënga “e re” e Beatles u regjistrua në tre segmente të veçanta, përgjatë 45 vitesh.

Kanë kaluar më shumë se katër dekada nga vrasja tragjike e Lennon dhe dy nga vdekja e parakohshme e George Harrison. “Now and Then” shënon tjetër moment historik nga një grup i jashtëzakonshëm që ka shkruar këngë të pakoha.

LEXONI GJITHASHTU:

• E regjistruar nga Lenon në 1970, Inteligjenca Artificiale risjell këngën e “Beatles”
• Rikthehen “Beatles”, pas 50 vitesh ndarje publikojnë këngën e fundit