“Bedelat e Putinit”, Taulant Balla reagon për protestën e opozitës

Kreu i grupit parlamentar të Partisë Socialiste, Taulant Balla ka reaguar pas përfundimit të protestës së opozitës.

Sipas tij, Sali Berisha dhe Ilir Meta ose siç i quan Balla “aleanca e rublave” janë bërë përditë e me të lexueshëm. Sot nuk u përmend në fjalimet e opozitës asgjë për luftën në Ukrainë. Balla thotë se kjo është porosia nga Moska, ndërsa “zbatuesit”, Berishën e Metën i cilëson si “bedelat e Putinit në Tiranë”.

“Rublat vazhdojnë të financojnë aleancën, njëlloj si në 2011 kur dhanë votën KUNDËR Kosovës, e vetë Shqipërisë dhe PRO Rezolutës famëkeqe të shkruar në Kremlin, që lemerisi botën me gjoja trajtime çnjerëzore dhe trafiqe organesh nga UÇK! Opozita e rublave është e zhytur thellë në thesin e parave ruse,” – shkroi Balla në Facebook.

Pas më shumë se dy orësh, ka përfunduar protesta kombëtare e opozitës para Kryeministrisë, e thirrur nga Partia Demokratike.

Në protestë pati 20 folës, ndër to kryedemokrati, Sali Berisha dhe kreu i Partisë së Lirisë, Ilir Meta.

Të dy liderët, hodhën akuza në drejtim të kryeministrit Edi Rama, për shpopullimin e vendit, situatën ekonomike dhe korrupsionin.

LEXONI GJITHASHTU:

• ‘Kam dalë për varfërinë dhe papunësinë’, qytetari në protestë me veshje popullore
• Përfundon protesta: Berisha-Meta akuza Ramës, protestuesit çajnë kordonin e policisë