Begaj në Shkup për Samitin e SEECP, pritet të ketë takime me krerët e lartë të RMV

Presidenti Bajram Begaj u nis sot për në Shkup ku do të marrë pjesë në Samitin e SEECP, ( Samiti i Procesit të Bashkëpunimit në Europën Juglindore).

Përmes një njoftimi, Presidenca bën me dije se Begaj do të pritet nga homologia e tij në Maqedoninë e Veriut, Gordana Siljanovska Davkova.

Po ashtu bëhet me dije se Begaj pritet të zhvillojë edhe disa takime dypalëshe, mes të cilëve me Kryetarin e ri të Parlamentit të Maqedonisë së Veriut, Afrim Gashin, kryeministrin Talat Xhaferri dhe me ish-Presidentin Stevo Pendarovski.

Po ashtu ai do të jetë pjesë e Trojkës që do të mbajë një konferencë për shtyp në fund të punimeve të Samitit.

Kujtojmë se Shqipëria do të marrë kryesimin e kësaj organizate të rëndësishme rajonale për vitin 2024-2025.

Njoftimi i Presidencës:

13.06.2024

Presidenti i Republikës, SH.T.Z Bajram Begaj u nis sot për në Shkup ku do të marrë pjesë në Samitin e SEECP, ( Samiti i Procesit të Bashkëpunimit në Europën Juglindore) i cili mikpritet nga Presidentja e Republikës së Maqedonisë së Veriut, Sh.S.Znj. Gordana Siljanovska Davkova.

Gjithashtu Presidenti Begaj pritet  të zhvillojë disa takime dypalëshe.

Kreu i Shtetit do të takohet me Kryetarin e ri të Parlamentit të Maqedonisë së Veriut, Sh.T.Z.Afrim Gashi. Kryeministrin e Maqedonisë së Veriut, Sh.T.Z. Talat Xhaferri, me ish Presidentin e Maqedonisë së Veriut, z. Stevo Pendarovski.

Presidenti i Republikës Sh, T, Z. Bajram Begaj do të mbajë një fjalë në këtë samit si edhe do të jetë  pjesë e Trojkës që do të mbajë një konferencë për shtyp në fund të punimeve të Samitit.

Shqipëria do të marrë kryesimin e kësaj organizate  të rëndësishme rajonale për vitin 2024-2025.