Bëhet nervoz kur e ndalon policia, i riu shqiptar kapet me furgonin plot me drogë

Mediat italiane kanë publikuar këtë të shtunë lajmin për arrestimin e një të riu shqiptar, i cili u ndalua duke drejtuar një furgon të mbushur me lëndë narkotike.

Ariet Prendi 25-vjeç u arrestua mbrëmjen e 29 shkurtit, nga karabinierët e Leçes, pasi gjatë një kontrolli në furgonin që ai drejtonte u gjet një sasi e konsiderueshme hashashi dhe disa gramë kokainë.

Në momentin e kontrollit, 25-vjeçari shfaqi shenja nervozizmi duke tërhequr vëmendjen e efektivëve. Më pas policia vijoi me kontrollin e plotë të mjetit, duke përfshirë dhe kontrollin me qen antidrogë.

Qentë nuhatën lëndën narkotike në dyshemenë e kamionit

Brenda një pjesë të sajuar, u gjetën 26 kilogramë hashash, 17 gramë marihuanë dhe 8 gramë kokainë. Droga u sekuestrua dhe i riu shqiptar u dërgua në burgun e Barit me urdhër të Prokurorisë Publike.

Policia italiane vijon ende hetimet për të përcaktuar origjinën dhe destinacionin e lëndës narkotike.

LEXONI GJITHASHTU:

• Të veshur me uniforma policie, pamjet e grabitjes ku u hap zjarr ndaj efekivëve
• “Gjithçka është shkatërruar”, pamje nga shtëpia pranë shpërthimit në Lushnjë