“Gjithçka është shkatërruar”, pamje nga shtëpia pranë shpërthimit në Lushnjë

Dy persona humbën jetën dhe disa të tjerë u plagosën nga shpërthimi në një magazinë pasditen e djeshme në qytetin e Lushnjës.

Babë e bir, Roland dhe Elidion Hoxha 24 vjeç mbetën të vdekur nga shpërthimi që ndodhi në vinçin me të cilin të dy punonin.

Shpërthimi ka qenë aq i fuqishëm sa ka thyer të gjithë xhamat e bizneseve përreth dhe ka shkaktuar shumë dëme në banesat që ndodhen pranë magazinës.

Euronews Albania ishte sot në një nga shtëpitë që ndodhte shumë afër magazinës ku ndodhi shpërthimi ku dëmet janë shumë të mëdha. Dyer të rrëzuara, xhama të thyer dhe orendi të shkatërruara ishte ajo çfarë mund të shihje në atë banesë.

Kryefamiljari, i cili ishte kthyer me urgjencë një ditë më parë nga emigrimi kur kishte dëgjuar për tragjedinë, shprehet i dëshpëruar se i është shkatërruar mundi dhe djersa e shumë viteve në emigrim.  Ai kërkon ndihmën e shtetit për të rikuperuar dëmet e shumta në banesë.

LEXONI GJITHASHTU:

• Një ditë pas, çfarë ka mbetur në magazinën ku ndodhi shpërthimi në Lushnje
• Shpërthimi në Lushnjë, përfundojnë me sukses ndërhyrjet te Trauma për 2 të plagosur