Behgjet Pacolli: Nëse Xhaka dënohet për fanellën Jashari gjobën e paguaj unë

Biznesmeni Behgjet Pacolli deklaroi se nëse Granit Xhaka dënohet sepse veshi fanellën me mbiemrin Jashari në fund të ndeshjes me Serbinë, atëherë ai vetë personalisht do të paguajë gjobën.

“Nëse emri Jashari shqetëson FIFA-n apo botën dhe Granit Xhaka dënohet se ka mbajtur pas ndeshjes këtë emër të shenjtë, atë gjobë do ta paguaj personalisht unë, në emër të popullit shqiptar,” – shkroi Pacolli në faqen e tij në Facebook.

Biznesmeni tha se lajmin ja kishte bërë me dije dhe futbollistit, ndërsa i uroi fat kombëtares zvicerane në ndeshjen e radhës përballë Portugalisë.

Granit Xhaka veshi në fund të ndeshjes Zvicër-Serbi fanellën e shokut të tij Ardon Jashari. Sigurisht, mbiemrit Jashari në fanellë iu vesh një konotacion politik, gjë që futbollisti e mohoi.

Ai u shpreh se fanellën e veshi në respekt të shokut të tij, e sidoqoftë kjo nuk ka shmangur që Xhaka të jetë në qendër të kritikave.

LEXONI GJITHASHTU:

• Granit Xhaka u shpall lojtari i ndeshjes, gazeta serbe: Është një provokator
• Festoi me fanellën me mbishkrimin “Jashari”, reagon Granit Xhaka