Beleri lë qelinë, paraqitet në KQZ! Merret sot vendimi për vlefshmërinë e mandatit

Komisioni Qendror i Zgjedhjeve pranoi të enjten kërkesën e Fredi Belerit për t’u dëgjuar përpara se ky institucion të shprehet për vlefshmërinë e mandatit të tij si kryetar i bashkisë së Himarës.

Në zbatim të këtij vendimi, Beleri është shoqëruar këtë të premte nga ambientet e burgut të Fierit drejt Komisionit Qëndror të zgjedhjeve, ku do të shpreh qëndrimin e tij.

Siç shihet dhe nga pamjet nga KQZ, Beleri shihet në këtë institucion i shoqëruar nga policia në pritje të nisjes së seancës.

Kujtojmë se pas vendimit të Apelit të Posaçëm e cila ka në fuqi vendimin e shkallës së parë për dënimin me 2 vite burg të Fredi Belerit për korrupsion në zgjedhjeve, kreu i FRESSH Himarë përmes një shkrese vuri në lëvizje Komisonin Qendror të Zgjedhjeve për t’i hequr mandatin si kryebashkiak dhe shpalljen e zgjedhjeve të reja në Himarë.

LEXONI GJITHASHTU:

• KQZ mblidhet për mandatin e Belerit, avokatja: Ai duhet të jetë i pranishëm
• KQZ shtyn vendimin për mandatin e Fredi Belerit, ai kërkoi të jetë prezent