“Beleri u shpagua, por nuk ndryshoi asgjë”-Lela: I burgosur politik, kjo e çoi në PE

Analisti Alfred Lela është shprehur se kryebashkiaku i zgjedhur i Himarës, i cili u zgjodh eurodeputet, Fredi Beleri, është një i burgosur politik.

Komentet Lela i bëri në një lidhje për Euronews Albania, ku tha se ky burgim politik e çoi atë në Parlamentin Europian.

Ai tha gjithashtu se askush në Shqipëri nuk e beson që Beleri të jetë hajduti më i madh i votave, edhe sikur të ketë blerë vota, aq sa të dënohej vetëm ai.

“Është një lloj shpagimi për Fredi Belerin, një lloj shpagimi me Ramën dhe shumicën qeverisëse. Por kjo nuk ka ndryshuar gjë në faktin si e shoh unë atë çfarë i ka ndodhur Belerit. Ai është i burgosur politik. Duam apo nuk duam ne. Dhe ky burgim politik e çoi në Parlamentin Europian.

Ishte një lidhje shkak pasojë që ia siguroi këtë lavdi, këtë dritë në fund të tunelit dhe këtë dritë mbi veten, mbi profilin e Belerit. Ndoshta të pamerituar, mund të jenë të shumta ato cilësorët që mund të gjejmë.

Është e rëndësishme që ne të shohim shtëpinë tonë, gardhin tonë dhe pastaj të shohim lagjen sesi po ia kalojnë, janë mirë apo keq ata. Pse Fredi Beleri me të vërtetë mendojnë shqiptarët se ishte hajduti më i madh i zgjedhjeve në Shqipëri, që të dënohet pikërisht ai”, tha Lela.

LEXONI GJITHASHTU:

• U zgjodh eurodeputet, Beleri reagon nga burgu: Drita fiton mbi errësirën
• Atmosferë festive, flasin mbështetësit e Belerit: Nesër Himara gdhihet europiane