Belind Këlliçi njofton mbylljen e protestës: Opozita do të vijojë aksionin politik

Ish-deputeti i Partisë Demokratike, Bellind Këlliçi njoftoi zyrtarisht mbylljen e protestës së opozitës brenda orarit për të cilin ishte kërkuar leje në policinë e Tiranës.

Në fjalën e mbajtur para bashkisë, ai shprehu mirënjohje ndaj qytetarëve për pjesmarrjen e tyre duke theksuar se të tjera tubime pritet të mbahen në vijim.

“Duke falenderuar të gjithë qytetarët dhe demokratët për qëndresën e sotme në aktin e tretë të mosbindjes civile, dua të kujtoj se koha kur punohej për të zhbërë opozitën në Shqipëri ka marrë fund. Me dy rezolutat e fundit, Internacionale Botërore të Partive të Djathta dhe Partisë Popullore Europiane, era po fryn pro partisë demokratike dhe pro rikthimit të shtetit tonë në kufijtë e kushtetuetshmërisë”, tha deputeti i PD.

Në përfundim të protestës, Belind Këlliçi i ftoi gjithë protestuesit të marshonin drejt selisë së Partisë Demokratike.

LEXONI GJITHASHTU

• Diplomatët në turin e Ramës, opozita: Po përfshihen në fushatë zgjedhore
• Mbyllet protesta e opozitës, hapet qarkullimi në akset e bllokuara