Belinda Balluku nga Kombinati: Fitore e madhe e PS, procesi legjitim dhe pa problematika

Belinda Balluku ishte e pranishme në një qendër numërimi votash në zonën e Kombinatit në Tiranë, nga ku falenderuar grupin e numëruesve dhe të gjithë anëtarët e KZAZ-ve, të cilët siguruan një proces legjitim dhe pa problematika. Sipas znj.Balluku, PS ka arritur një rekord në KZAZ nr.36 në Kombinat, pasi është bërë një fushatë e rëndësishme në këtë zonë.

‘’Unë, stafet e mia dhe drejtuesi politik i Tiranës kemi qenë të përqëndruar në Kombinat pasi kjo është një zonë me problematikë, që i’a ka shtuar edhe tërmeti. Edhe pse ka qenë një fushatë atipike prej pandemisë, kam përdorur të gjithë kohën time për të vizituar çdo familje, për të njohur çdo problem në thelb’’, deklaroi Belinda Balluku.

Ajo tha gjithashtu se ka vënë re që në këtë zonë ka mbështetje të madhe për kryeministrin Rama dhe të gjitha punët që qeveria e tij ka bërë deri më sot. Nga punët e bëra, znj.Balluku përmendi “Rrugën e Arbrit” dhe sipas saj komuniteti dibran i zonës së Kombinatit ka arritur ta aksesojë edhe pse nuk është hapur akoma.