Bellingham heroi i Anglisë, “3 Luanët” mposhtin minimalisht Serbinë

Serbia ka rezultuar një kundërshtar jo ashtu siç e kishin menduar anglezët, ku pritej një goleadë nga ana e të besuarve të Southgate, por përballja u mbyll me fitoren minimale të “3 luanëve”. Një nisje e mirë e takimit, ku Anglia arriti të realizonte në fraksionin e parë me yllin madrilen, Jude Bellingham pas një krosimi në zonë, me numrin 10 që devijoi saktë me kokë. Festë në shkallët e stadiumit në Gelsenkirchen, me britanikët të cilët ishin të shumtë në numër.

Pjesa e dytë tregoi një Serbi më kërkuese, madje edhe të rrezikshme, duke iu afruar shumë pranë golit. Zëvendësimet e kryera nga Soputhgate nuk prodhuan më asgjë, duke ngritur sërish pikëpyetje mbi skuadrën që vlen mbi 1 miliardë euro, e cila hasi vështirësi që në testin e parë zyrtar në Euro 2024. Anglezët rrëmbejnë kështu 3 pikët e parë dhe marrin kryesimin e grupit C.

Më herët Danimarka barazoi me Slloveninë, sfidë e mbyllur në shifrat 1-1. Nordikët shënuan të parët me Christian Eriksen, ndërsa në fraksionin e dytë, sllovenët u treguan të rrezikshëm, e në ballafaqimin e parë gjetën golin me autor Janza, me skuadrat që ndanë pikët. Ndeshjet e radhës në grupin C janë Danimarkë-Angli dhe Serbi-Slloveni.

LEXO GJITHASHTU:

• Euro 2024| Italia fiton ndeshjen kundër Shqipërisë me rezultatin 2-1
• BBC e UEFA jehonë golit të Shqipërisë ndaj Italisë: Më i shpejti në Europian