Bellingham përmbys Barcelonën, Reali i Madridit rimerr kreun

El Klasiko e së shtunës ka shkuar në favor të Realit të Madridit, i cili vijon të thellojë hendekun në përballjet direkte me Barcelonën në kampionat, plot 78 fitore. Përballja e zhvilluar në Stadio Olimpico u fitua nga madrilenët me rezultatin 1-2 edhe pse niveli i ndeshjes nuk ishte i njëjtë me atë të epokës Messi-Ronaldo.

Pjesa e parë ishte më e mirë për blaugranët të cilët gjetën avantazhin me Ilkay Gundogan, pas një gabimi në prapavijën madrilène.

NË fraksionin e dytë, Reali shtoi intensitetin e lojës, i cili u pasqyrua dhe në rezultat, ku në minutën e 68’ Bellingham provoi me një predhë nga distance duke shtangur Ter Stegen e ndalur topin në rrjetë.

Minutat në vijim, treguan një Real edhe më kërcënues, por goli i përmbysjes do të vinte në minutat shtesë, aty ku sërish ylli britanik do të realizonte pas një krosimi të ardhur nga e djathta e i devijuar nga Modric. Bellngham një hero për ekipin e Ancelottit solli fitoren në El Clasicon e luajtur përpara 50 mijë të pranishmëve.

20-vjecari numëron 10 gola këtë sezon dhe 2 asiste në kampionatin spanjoll, ndërsa Reali u rikthyer në krye të tabelës së klasifikimit, duke zbritur në vendin e dytë Gironën. Barcelona qëndron në vendin e tretë me 24 pikë të grumbulluara. Kjo ishte humbja e parë për katalanasit në kampionat këtë sezon, pas 7 fitoresh dhe 3 barazimesh.

LEXONI GJITHASHTU:

• Dy persona godasin me grushte punonjësin e policisë në Kamëz, njëri në pranga
• Basha viziton familjen e persekutuar në Koplik: PD është e penduar për vonesën…