Benzi del nga rruga në Pogradec, përfundon në lum

Një aksident ka ndodhur mbrëmjen e së martës në unazën e Pogradecit.

Një mjet tip Benz ka dalë nga rruga në segmentin e unazës së qytetit dhe ka përfunduar në lumin e Vërdovës. Fatmirësisht personat që udhëtonin në mjet nuk janë lënduar.

Dyshohet që shkak i aksidentit të ketë qenë shpejtësia e lartë me të cilën lëvizte mjeti. Policia ka mbërritur në vendngjarje dhe po punon për zbardhjen e rrethanave.

Në shumë raste ky segment rrugor ka pasur aksidente me dëme materiale, të lënduar apo edhe viktima në këmbësorë pasi mjetet lëvizin me shpejtësi tej normave të lejuara. Vazhdimisht banorët që jetojnë përgjatë kësaj rrugë kanë kërkuar shtim të sinjalistikës që mundëson uljen e shpejtësisë por deri më sot ato nuk janë vendosur.

LEXONI GJITHASHTU:

• “Benz-i” përplas këmbësorin në Korçë, plagoset 60-vjeçari
• Aksident në Vlorë, makina përplaset me motorin