Berat Buzhala: Albin Kurti e provokoi vetë krizën politike me shkarkimin e ministrit të LDK. Na futi në qorrsokak me SHBA

Një një lidhje ‘live’ me Ilva Now, Berat Buzhala, botues i gazetës Express në Kosovë, ndau idetë e tij rreth situatës aktuale në Kosovë, kur politika është e përçarë në idenë për zgjedhje të reja apo qeveri pa Vetëvendosje.

Teksa theksoi faktin se vendi gjendet përballë një situate politike të paprecedentë pasi është hera e parë që një qeveri rrëzohet me mocion mosbesimi pa pëlqimin e kryeministrit, z. Buzhala bëri një krahasim me rastin e rrëzimit të qeverisë Haradinaj.

Në atë kohë, theksoi z. Buzhala, pas dorëheqjes vullnetare të kryeministrit, gjërat ishin më të thjeshta pasi të gjitha palët kërkonin të shkonin në zgjedhje, gjë që nuk

gjë që nuk mund të thuhet aktualisht, ku VV refuzon të hyjë në zgjedhje.

Sipas botuesit të Express, Kurti e provokoi vetë krizën politike duke shkarkuar nga detyra ministrin e Brendshëm, njëkohësisht njeriu i dytë më i rëndësishëm në LDK, pa u konsultuar aspak për këtë vendim me aleatin e vet në qeverisje.

Z. Buzhala nuk i kurseu kritikat ndaj kryeministrit në detyrë sa i përket politikës së jashtme sidomos sa i përket raporteve me SHBA.

“Duke qenë kryeministër, nuk mjafton të qeverisësh mirë brenda, por edhe për jashtë. Me qeverisjen e tij Kurti e ka sjellë Kosovën në qorrsokak me SHBA. Kosova nuk e ka luksin të ketë një kryeministër të tallet me ndërmjetësin amerikan në dialogun me Serbinë. E kam kritikuar Albin Kurtin për kokëfortësinë për të mos hequr taksën. Kosova pa SHBA pëson fiasko”, tha ai.