Berat: PS kryeson me mbi 58% të votave, si bëhet ndarja e mandateve

Në qarkun e Beratit, procesi i numërimit të votave vijon me ritme të qëndrueshme, ku aktualisht janë përpunuar 154 nga 275 qendra votimi. Partia Socialiste kryeson bindshëm me 58.92% të votave, ndërsa Koalicioni “Partia Demokratike – Aleanca për Shqipërinë Madhështore” renditet i dyti me 30.05%.

Të dhënat paraprake tregojnë se PS ka marrë 21,477 vota nga kutitë e numëruara, duke e përforcuar pozicionin e saj si forca politike dominuese në Berat. Në krahun tjetër, PD-ASHM ka siguruar deri tani 10,953 vota, ndërsa në vend të tretë renditet Koalicioni “Nisma Shqipëria Bëhet” me 2,464 vota ose 6.76%.

Forcat e tjera politike kanë marrë mbështetje më të kufizuar. Partia “Mundësia” ka grumbulluar 665 vota (1.82%), “Lëvizja Bashkë” ka marrë 369 vota (1.01%), ndërsa Partia Socialdemokrate (PSD) ka siguruar vetëm 137 vota. Pjesa tjetër e subjekteve të vogla politike kanë marrë më pak se 1% të votave secila, duke mos ndikuar në ndarjen e mandateve.

Bazuar në projeksionet aktuale, ndarja e mandateve për këtë qark është 5 për Partinë Socialiste dhe 2 për koalicionin e drejtuar nga Partia Demokratike.

LEXONI GJITHASHTU:

• Vota e kandidatëve në Vorë: Nga PS kryeson bindshën Gonxhja, nga PD Murrizi
• Mbyllet procesi i numërimit në Tepelenë, PS fiton bindshëm në të gjitha qendrat
• Gara e ngushtë në Lezhë, PS përmbys rezultatin dhe kalon në avantazh