Një zjarr ka rënë pasditen e sotme në fshatin Malinat në Berat.

Zjarri, që mendohet se ka qënë i qëllimshëm, u përhap me shpejtësi drejt zonës kodrinore të mbjellë me hardhi e pemtari, i favorizuar nga era dhe temperaturat e larta.

Drejt zonës shkuan 20 zjarrëfikës nga Berati, 10 nga Poliçani dhe forca policie. Terreni i vështirë e ka bërë të pamundur futjen e mjeteve zjarrëfikëse drejt zonës së zjarrit dhe për këtë arsye u punua me mjete rrethanore dhe pompa uji shpine.

Si rezultat i ndërhyrjes së menjëhershme, u bë i mundur izolimi i zjarrit, duke u shmangur përhapja drejt fshatit Malinat dhe plantacioneve me pemë frutore dhe ullinj.

Zjarri është lokalizuar dhe po punohet për fikjen e tij të plotë, pasi në zonë ka ende disa vatra aktive tymi që po mbahen nën monitorim.

Si pasojë e zjarrit është djegur një sipërfaqe prej 2 ha me bimësi të egër dhe rreth 50 rrënjë ullinj në pronësi të shtetasit Fitim Hadaj, banor i fshatit Malinat.

LEXONI GJITHASHTU:

• 6 persona, mes tyre 4 fëmijë humbën jetën nga zjarri në Novi Sad
• Vrasjet në Velipojë| Artan Hoxha: Zjarri është ndezur, s’mund të ngujosh një fis