Berisha: Anëtarësia e PS nuk ka më asnjë zë te qeveritarët e saj

Kreu i PD-së Sali Berisha ka hedhur akuza ndaj PS duke thënë se në këtë parti mbizotëron krimi, bandat e ryshfeti.

Në një takim me fituesit e primareve që do të kandidojnë në zgjedhjet e 14 majit, Berisha theksoi se anëtarësia e PS nuk ka asnjë zë te qeveritarët e saj.

Sipas tij anëtarësia e Partisë Socialiste përfaqëson vetëm sektin e rilindjes

“Ndaj dhe ne jemi shumë krenarë me ju, me të gjithë ata që morën pjesë në garë, me të gjithë drejtuesit, anëtarët dhe simpatizantët që kompletuan këtë proces.

Ne dëshmuam para shqiptarëve përkushtimin e plotë për dinjitetin e tyre, për votën e tyre, për vullnetin e lirë. cNëse hidhet sytë në krahun tjetër, që mediat po e quajnë rëndom shpella, aty gëlon ryshfeti, gëlon peng marrja, aty përcaktojnë droga, krimi dhe bandat.

Anëtarësia e PS nuk ka asnjë thënie, asnjë zë te qeveritarët e saj. Ata nuk përfaqësojnë më anëtarësinë, ata përfaqësojnë vetëm sektin e rilindjes, që është një sekt fund e krye antishqiptar. cNjë sekt, një përzierje e klaneve të drogës, klaneve të krimit, e aferave të mëdha korruptive kombëtare dhe ndërkombëtare”- tha ai.

LEXONI GJITHASHTU: 

• Berisha sulmon Veliajn: Ka shumëfishuar taksat, ka shpikur taksën e arsimit
• “Xhaçka ka qenë shumë në siklet”, Murrizi: Reagimi për ambasadoren s’është lapsus
• OKB: 441 ukrainas janë vrarë në 41 ditët e para të luftës