Berisha sulmon Veliajn: Ka shumëfishuar taksat, ka shpikur taksën e arsimit

Berisha takim me fituesit e Primareve për zgjedhjet e 14 majit ka sulmuar dhe kryetarin ne Bashkisë së Tiranës Erion Veliaj.

Në fjalën e tij ai tha se Veliaj për sipërmarrjen e tij private që ka me Edi Ramën, Arben Ahmetajn dhe Engjëll Agaçin, ka katërfishuar taksën e mbetjeve për biznesin e vogël.

“Ka dyfishuar taksën e çdo qytetari. Ka shpikur taksën e arsimit, në një kohë kur jo e majta, por edhe e djathta, e ka detyrim arsimin falas.

Shteti e ka detyrë të shkollojë fëmijët e qytetarëve. Kurse sipas këtij hajduti, shkollat duhet t’i ndërtojnë qytetarët. Me taksa ekstra. Taksë vetëm për arsimin, të cilat i vjedh dhe i shpërdoron në mënyrën më të tmerrshme. Ndërton një shkollë me kosto absolutisht nga 6 deri në 8 herë më të lartë sesa kostoja me të cilën ndërton shkolla PNUD-i i OKB-së në Tiranë, me paratë e donatorëve.”- theksoi Berisha.

Kreu i PD, nënvizoi se bashkitë po presin me padurim çlirimin nga kjo farë hajdutësh që nuk i ka parë toka.

LEXONI GJITHASHTU: 

• “Xhaçka ka qenë shumë në siklet”, Murrizi: Reagimi për ambasadoren s’është lapsus
• Pse luftohet për kreun e SPAK? Murrizi: Kjo është kompetenca e vetme që ka
• Pse po ndërhyn politika për kreun e SPAK? Debat mes Koçit, Murrizit e Ramajt