Pse luftohet për kreun e SPAK? Murrizi: Kjo është kompetenca e vetme që ka

Ish-deputeti Myslim Murrizi deklaroi se SPAK, Prokuroria e Posaçme Kundër Korrupsionit dhe Krimit të Organizuar nuk i ndan elektronikisht dosjet e hetimit.

Murrizi tha se kompetencën e ndarjeve të dosjeve e ka kreu i SPAK dhe ndaj luftohet për këtë pozicion.

“Duhet të bëhet në mënyrë elektronike ndarja e dosjeve. Dosjet i ndan më dorë, i ndan shefi i SPAK. Vetëm këtë ka në dorë shefi i SPAK, kjo është kompetenca e madhe që ka, për këtë luftohet”, u shpreh ai.

Sa i përket garës për kreun e SPAK. Ai tha se KLP-ja nuk është e lirë, por ka ndërhyerje nga politika.

“Të tre kandidatët janë më të mirë sesa Kraja. Duhet të zgjedhë KLP-ja. Qeveria dhe ambasadorja të na thotë pse bën njëri dhe 2 të tjerët jo. KLP po pengohet të jetë e lirë”, tha ai.

LEXONI GJITHASHTU:

• “KLP nuk është e lirë”, Murrizi: Ka përplasje mes Ramës dhe ambasadores Kim
• Protesta, Murrizi: Opozita në të drejtën e saj, pse Meta s’mund të shkëputet
• A do ketë ndryshime në policinë e Tiranës? Përgjigjet drejtori Lorenc Panganika