“KLP nuk është e lirë”, Murrizi: Ka përplasje mes Ramës dhe ambasadores Kim

Ish-deputeti Myslim Murrizi u shpreh për Euronews Albania se aktualisht ka një përplasje mes ambasadores amerikane Yuri Kim dhe kryeministrit Edi Rama.

Murrizi tha se këtë e shikon nga deklaratat e tyre publike të cilat nuk janë në të njëjtën linjë.

Ish-deputeti shtoi se Kim dhe Rama kanë dështuar për një drejtësi të pavarur nga politika.

“Unë shoh një përplasje mes qeverisë dhe Kim. Nuk janë në një linjë deklaratat publike. Të dy kanë dështuar në atë që u nisën në 2016, për një drejtësi krejt të pavarur nga politika”, u shpreh ai.

Sa i përket garës për kreun e SPAK. Ai tha se KLP-ja nuk është e lirë, por ka ndërhyerje nga politika.

“Të tre kandidatët janë më të mirë sesa Kraja. Duhet të zgjedhë KLP-ja. Qeveria dhe ambasadorja të na thotë pse bën njëri dhe 2 të tjerët jo. KLP po pengohet të jetë e lirë”, tha ai.

LEXONI GJITHASHTU:

• Protesta, Murrizi: Opozita në të drejtën e saj, pse Meta s’mund të shkëputet
• Kurti dorëzon në Pragë aplikimin e Kosovës për anëtarësim në BE
• A do ketë ndryshime në policinë e Tiranës? Përgjigjet drejtori Lorenc Panganika