Berisha bllokon foltoren, paralajmëron protestën e radhës. Alibeaj: Opozitë pazaresh

Sali Berisha bllokoi foltoren e Parlamentit në seancën e sotme plenare, pasi sipas tij, opozitës nuk po i jepet kohë mjaftueshëm për të diskutuar rreth çështjeve të rendit të ditës.

Kjo bëri që nënkryetarja e Parlamentit të ndërpriste seancën, por kryedemokrati Berisha komunikimin e vijoi live me ndjekësit e tij në Facebook.

Me tone më të qeta, por sfiduese, deklaratat e kryedemorkatit vijuan edhe jashtë sallës së Paalamentit, aty nga ku paralajmëroi se së shpejti PD do të vendosë për një tjetër protestë kombëtare.

Berisha la të kuptohet, se një datë e mundshme për protestën e ardhshme është 6 dhjetori, datë kur në Tiranë do të mbahet për herë të parë samiti i BE dhe Ballkanit Perëndimor.

Por gjuhën ndaj kryedemokratit nuk e ashpërsuan vetëm socialisët. Si kurrë më parë, kreu Grupit Parlamentar të PD, Enkelejd Aliebaj akuzoi Berishën për opozitë false, pazaresh e oligarkësh.

LEXONI GJITHASHTU

• Debati për integrimin evropian, Tabaku akuza Xhaçkës: Qeveri pasive
• Gazment Bardhi përjashtohet për 5 ditë nga Kuvendi dhe Komisionet Parlamentare
• “E kuptoj mungesën e guximit”, Alibeaj kërkon përjashtimin e Ramës nga Kuvendi