English

Berisha-bluzave të bardha: Respektoni kodin etik! Ejani në protestën e 11 korrikut

KOMENTE

SHPERNDAJE
ARTIKULLIN

Text sizeAa Aa

Kryetari i Partisë Demokratike, Sali Berisha, i ka bërë thirrje ‘bluzave të bardha’ që në emër të misionit të tyre, të marrin pjesë në protestën që do të organizojë opozita në 11 korrik.

- Advertisement -

Thirrjen Berisha e bëri gjatë fjalës para mbështetësve nga dritarja e banesës së tij, ku po vuan dënimin me ‘arrest shtëpie’ për ‘korrupsion’.

Berisha gjithashtu i bëri apel mjekëve që të respektojnë çdo normë të kodit etik dhe moral të ‘bluzave të bardha’.

Reagimi i Berishës:

Por gjithashtu, u bëj thirrje mjekëve, u bëj thirrje bluzëbardhëve të respektojnë çdo normë të kodit etik dhe moral të bluzëbardhit.

Të bëjnë gjithçka, siç e bëjnë në tërësi, duke iu përmbajtur betimit të tyre për të lehtësuar të sëmurët, për të shëruar të sëmurët.

Por u bëj thirrje, mos u përkulni në atë mënyrë.

Përkulja juaj u akuzon, përkulja juaj nuk u nderon.

Nuk do e harroj kurrë një skenë te Spitali Infektiv, kur me bluza dolën dhe duartrokitën mizorin që fshehte vdekjet, që vidhte paratë e të sëmurëve që vdisnin me tendera sekrete.

Në një kohë kur kolegët tuaj në Belgjikë, i kthenin prapanicën homologut të tij.

Mos harroni, keni detyrë të mbroni të sëmurin me çdo mjet, me çdo mënyrë dhe jo t’u nënshtroheni injorantëve, t’u nënshtroheni hajdutëve, t’u nënshtroheni kazmëvënësve të sistemit shëndetësor se kjo nuk u nderon.

Dhe për ta përfunduar, u bëj thirrje bluzave të bardha, në emër të misionit të tyre, në emër të të sëmurëve të tyre, moralit, humanizmit të tyre, të marrin pjesë në protestën e 11 korrikut.

Të ngrihen së bashku me qytetarët, për vete dhe të sëmurët e tyre, për kauzën e tyre të drejtë.

Edhe njëherë me mirënjohje u falënderoj dhe ftoj çdo shqiptar më 11 korrik, ditën e fitores, ditën e ngadhënjimit në Tiranë për qeveri teknike, zgjedhje të lira, fitore të opozitës.

Rrofshi ju, rroftë Shqipëria.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

spot_img

TË FUNDIT

spot_img

Sondazh

Kush mendoni se ishte fituesi i debatit të parë presidencial në SHBA?