Berisha: CDI dënon me forcë Shqipërinë e Edi Ramës si shtetin e farsës elektorale

Kryetari i Partisë Demokratike, Sali Berisha, këtë të shtunë zhvilloi një bashkëbisedim me qytetarët në rrjetin e tij social.

Gjatë komunikimit të tij, një çështje që përmendi ishte edhe arritja për miratimin në Internacionalen Demokrate të Qendrës, organizatën ku sipas tij është organizata më e madhe dhe më e vjetër në botë, CDI.

“Gjatë kësaj periudhe PD arriti të miratojë në Internacionalen Demokrate të Qendrës, organizatën më të madhe dhe më të vjetër të partive të qendrës së djathtë në botë CDI, rezolutën që dënon dhe denoncon me forcën më të madhe Shqipërinë e Edi Ramës si shtetin e farsës elektorale, si shtetin që shtyp pluralizmin dhe opozitën, si narkoshtetin e parë dhe të vetëm në Europë, si një narkoregjim kleptokratik që vjedh qytetarët e vet.

E konsideroj këtë një arritje shumë të madhe, sepse denoncimi i të keqes që ka ngërthyer vendin, shndërrimi i saj në një problem ndërkombëtar, është padiskutim një detyrim dhe një arritje e madhe për PD.

Në tërë historinë tonë ne kemi patur armiq të të gjitha llojeve, pushtues të shumë kombeve, por theksoj se sot në rrafshin e materies kombëtare, narkoshteti dhe droga, provohen armiqtë tanë më të egër në histori.

Ndaj dhe jemi të përqendruar në të gjithë mundësitë dhe potencialin tonë, të denoncojmë këtë të keqe të madhe që është e gërshetuar në një me shtetin shqiptar dhe quhet narkoshtet, që është sot për Shqipërinë dhe shqiptarët” u shpreh Berisha.

LEXONI GJITHASHTU:

• Berisha paralajmëron: Foltoret si ajo para Kryeministrisë do zhvillohen në çdo qytet
• Berisha: Kandidatët e Primareve i kam takuar ose telefonuar, nuk ka të përjashtuar