Berisha dhe Meta firmosin sot marrëveshjen

Kryetari i Partisë Demokratike, Sali Berisha dhe kreu i Partisë së Lirisë, Ilir Meta do të firmosin marrëveshjen për bashkëpunim mes dy forcave politike për zgjedhjet e ardhshme vendore.

Në orën 12:00, ata do të kenë edhe një konferencë të përbashkët për mediat.

“Në orën 12.00 në Hotel Tirana, Kryetari i Partisë Demokratike Sali Berisha dhe Kryetari i Partisë së Lirisë Ilir Meta do të kenë konferencë të përbashkët për mediat, në të cilën do të nëshkruajnë edhe një marrëveshje bashkëpunimi”, thuhet në njoftimin e PD-së.

Paraditen e kësaj të mërkure, Meta i shkoi në zyrë Berishës dhe u zhvillua një takim për më shumë se 30 minuta.

Pas takimit, Meta u shpreh se do të ketë referendum dhe primare të përbashkëta me Partinë Demokratike.

Ndër të tjera, ish-presideti bëri të ditur se i ka propozuar një emër Berishës për kryetar të Këshillit Bashkiak të Tiranës, për zgjedhjet e ardhshme vendore.

Ai nënvizoi se Berisha e mirëpriti propozimin e tij, ndonëse nuk e bëri publik emrin.

LEXONI GJITHASHTU

• Berisha: Më 12 nëntor protestë, nisim betejën kundër Ramës
• Meta paralajmëron Ramën dhe Bashën: Do kenë fatin e Musolinit dhe Klaretës
• Meta: Berisha mban përgjegjësi për primaret, shqiptarët presin fitoren e opozitës