“Berisha do djegë Parlamentin”- Analisti parashikon ç’do ndodhë nesër në protestë

Analisti Plator Nesturi është shprehur se ish-kryeministri Sali Berisha ka thënë se do e pranojë vendimin e Kuvendit, por do të djegë Parlamentin.

Komentet Nesturi i bëri në emisionin “Noë me Erla Mëhillin” në Euroneës Albania, ku tha se Berisha po bën atë që ka thënë për djegien e Kuvendit.

Pra sipas tij, pa u djegur Parlamenti, nuk do t’i hiqet imuniteti Berishës.

“Berisha e ka thënë këtë gjë, që Berisha do të pranojë vendimin e Parlamentit, por Parlamentin do e djegë. Këtë ka thënë, atë po bën. Domethënë pa u djeg Parlamenti…”, tha Nesturi.

Kujtojmë se SPAK ka kërkuar arrestimin e Berishës, pas mosrespektimit nga ana e tij të masës së vendosur më parë ndaj tij “detyrim paraqitje”.

Berisha akuzohet nga SPAK për korrupsion në dosjen e privatizimit të ish-kompleksit Partizani, ku i akuzuar është edhe dhëndri i tij, Jamarbër Malltezi.

LEXONI GJITHASHTU:

• Vendimi i Gjykatës për Berishën, Bylykbashi: I mbylli derën të drejtës kushtetuese
• A do ta çojë SPAK nesër në burg? Krahu i djathtë i Berishës skanon dosjen