Berisha flet pas daljes nga SPAK: Drejtësia po përdoret si armë politike

Duke folur këtë të hënë pas daljes nga SPAK, ku u paraqit në lidhje me masën e sigurimit për dosjen ‘Partizani’, kreu i PD, Sali Berisha, etiketoi drejtuesin e SPAK, Altin Dumani ndërsa dhe gjyqtaren Irena Gjoka ndërsa tha se drejtësia po përdoret si armë politike.

“Kemi pesë organizata të qendrës së djathtë që damkosin përdorimin e drejtësisë si armë.  Kur një gjyqtar mbron një kriminel, është më i ligë se një qytetar që fsheh një krim. Çdo gjyqtar i ndershëm turperohet. Këta janë njerëzit e ligjit, që i paguani ju, qytetarët, me rrogat më të larta në Europë. Ne nuk i kemi votuar kurrë këta. Po flas për persona, sepse, absolutisht, ka njerëz të ndershëm, punëtorë, që kanë dëshirë të zbatojnë ligjin”, tha Berisha.

Sa i përket zgjedhjes së kreut të ri të SPAK, Berisha u shpreh:

“Janë katër kandidatë, me sa më thatë. Nuk kam asnjë lidhje dhe asnjë dijeni për asnjërin prej tyre që do të zgjidhet. Uroj të jetë i pakapur nga krimi. Absolutisht, unë mbështes çdo prokuror, çdo gjykatës, çdo hetues, çdo polic dhe çdo person që zbaton ligjin. Unë jam njeri i ligjit. Besimi im politik është Kushtetuta dhe ligji.”

LEXONI GJITHASHTU:

• Edhe pse ditë pushimi, Berisha paraqitet në SPAK për masën “detyrim paraqitje”
• Berisha nga SPAK-u: Kërkuam mbarimin e mandatit të Irena Gjokës, shkelje ligji