Ish-kryeministri Sali Berisha mbajti këtë të premte një konferencë me gazetarët, ku foli në lidhje me çështjen Ahmetaj dhe inceneratorët.

Berisha në fjalën e tij theksoi se fakti se qeveria miratoi ligjin që procedura e koncesionit të inceneratorëve të ishte e mbyllur, me qëllim që Klodian Zoto dhe Mirel Mërtiri të caktonin të gjitha kushtet e kontratës.

Berisha hodhi gjithashtu akuza se përgjegjësia ligjore për inceneratorët është më lartë se zv. kryeministri Ahmetaj. Ai shtoi se kryeministri Rama dhe deputeti Gjiknuri po vjedhin energjinë e djegësit të Elbasanit.

Deklarata e Berishës:

Është jashtëzakonisht e rëndësishme që qytetarët të kapin të vërtetën. Se ky është një rast i pashembullt në historinë e një vendi.

Zoto dhe Mërtiri, për të vendosur të gjitha kushtet që donte sipërmarrja e qeverisë, donin procedurë me negociata të mbyllura, ku diktonin çod kusht. Kjo nuk ekzistonte në ligjet e vendit. Ministri i Mjedisit iu drejtua dy herë Agjencisë Kombëtare të Prokurimeve për ta autorizuar këtë procedurë. Eduart Ahmeti e kundërshtoi në mënyrë të prerë si procedurë antiligjore.

Pronari i vërtetë i ndërmarrjes, Edi Rama, shfrytëzon pushtetin e tij, dhe bashkë me Agaçin, firmos në kundërshtim flagrant me ligjin, procedurën antiligjore të negociatave të mbyllura.

A mund të ishin Zoto, Mërtiri dhe Gugallja, pronarë të dy djegësave, Elbasanit, Fierit dhe më vonë të Tiranës në këtë mënyrë? Kurrën e kurrës. Duhej që ose qeveria të përbëhej nga njerëz që kanë humbur çdo fakultet mendor, dhe të tillë nuk janë. Duhet të ishin magjistarë, por ata magjistarë nuk janë.

Kjo ndodhi sepse ndërmarrja ishte e Edi Ramës.

Të gjithë ata të cilët firmosën bazuar në dokumentin e firmosur nga Edi Rama dhe Engjëll Agaçi, janë përgjegjës. Janë përgjegjës sepse ligji thotë se nuk mund të zbatohet një vendim i paligjshëm. Ky ligj urdhëron çdo zyrtar, qoftë oficer policie, qoftë oficer ushtrie, çdo njeri. Por këta e zbatuan, me radhë. Këta që firmosën janë përgjegjës, pa përjashtim.

Meqë jemi te djegësat, se dy janë prokurime publike, një është në koncesion. Tani në sipërmarrjen e Ramës, në skemë hyn një hajdut i ri. Dhe shikoni se si Rama vjedh me Gjiknurin, energjinë e djegësit të Elbasanit. Studioni kontratën e djegësit të Elbasanit, ajo thotë se do prodhohet energji për shtatë vite, pastaj ajo bëhet e tëra pronë publike e Bashkisë së Elbasanit.

Çfarë bën bosi i sipërmarrjes? Bosi i sipërmarrjes, bashkë me Damian Gjiknurin, firmos një kontratë me kompaninë që administronte djegësin e Elbasanit, sipas të cilës kjo kompani ka të drejtën për 30 vite t’i shesë shtetit. Çka do të thotë se Rama dhe Gjiknuri inkasojnë energjinë që prodhon djegësi i Elbasanit për 30.

LEXONI GJITHASHTU:

• Ahmetaj pa imunitet, Kuvendi miraton kërkesën për arrestimin e tij
• Reagon për herë të parë Arben Ahmetaj: Zoti e di të vërtetën që unë do nxjerr
• Avokatët e Ahmetajt: Ose bie koka e mbretit, ose pranoni dështimin e Revolucionit