Berisha: Ja zyrat paralele me qendrat e votimit të PS ku drejtohet ‘treni bullgar’

Kreu i Partisë Demokratike ka vijuar edhe të premten denoncimin e atyre që i cilëson shkelje të rënda në zgjedhjet parlamentare të 11 majit.

Në një deklaratë për mediat nga selia blu Berisha tregoi me pamje video “qendrat paralele elektorale me qendrat e votimit të PS, ku zyrtarë të niveleve të larta, drejtojnë operacionin e trenit bullgar dhe paguar votat që blejnë”.

“Këtu do paraqes pak qendrat paralele elektorale me qendrat e votimit të PS, ku zyrtarë të niveleve të larta, qëndrojnë të fshehur, klandestinë, për të drejtuar operacionin e trenit bullgar dhe paguar votat që blejnë. Zyra sekrete pa asnjë shenjë elektorale, në të cilën tentojnë të fshihen prapa xhamit. Ikën me çantën me dokumente. Kjo, Enkelejda Ymeraj, drejtoreshë qendrore e inovacionit. Me kapuç se kërkon të maskohet. Një kriminele me detyra të larta. Dhe si ia mbathin, shikoni si ikin… Kjo duket si Kokona, po nuk di nëse është ajo apo ndonjë tjetër. Famozja Kokona”, tha Berisha.

LEXONI GJITHASHTU:

• Berisha në Kuvend: Kartelet e drogës sollën 28 deputetë, do ju zënë vendin
• Berisha: Nga diaspora mungojnë 60 mijë vota, fletët janë përdorur brenda vendit