Berisha kundër Kurtit: Jo grusht shteti, por mekanizma ligjore

Deputeti i Partisë Demokratike të Kosovës, Hisen Berisha tha në një intervistë për Euroneës Albania se ndaj Albin Kurtit nuk duhet përdorur grusht shteti për ta rrëzuar, por mekanizma ligjorë.

“Ne si opozitë, ne si Parti Demokratike kemi ofruar moratoriumin, qëllimi është një bllokadë brenda Kuvendit që ta detyrojmë më kompromis, me konsensus politik për një qeveri gjithëpërfshirëse. Nëse jo, alternativë janë zgjedhjet, mirëpo mocioni i propozuar është mjet juridik i cili nëse nuk kalon i bllokon mjetet juridike pastaj për një 6-mujorsh tjetër dhe kjo strategjikisht e çon këtë qeveri në vitin zgjedhor dhe ne nuk jemi të interesuar t’ja zgjasim jetën, prandaj duhet një mobilizim politik i shoqërisë civile, i tërë shtetit politik dhe ky njeri duhet të ndalet me çdo mjet,” – u shpreh Berisha.

Partitë opozitare në Kosovë po mundohen të shfrytëzojnë në maksimum muajin e pushimeve për të komunikuar me publikun rreth skandaleve, apo aferave të qeverisë së vendit.

Dy partitë me të mëdha opozitare kanë zgjedhur të flasin para mediave ku dhe nuk kanë kursyer akuzat e kritikat ndaj ekzekutivit të Albin Kurtit.

LEXONI GJITHASHTU:

• Opozita e Kosovës do zgjedhje, akuza dhe kritika ndaj qeverisë Kurti
• Spahiu: Dorëheqja e ministrit në Kosovë, skenar i NATO për rrëzimin e Kurtit