Berisha lideri më i pëlqyer në Kosovë/ Bushati: Ju jap 3 arsyet

Barometri në Euronews Albania për herë të parë ka sjellë edhe mendimin e qytetarëve të Kosovës në një sondazh për pëlqyeshmërinë e liderëve të politikës në Shqipëri.

Mes 1065 intervistave të realizuara ballë për ballë në Kosovë, ku janë pyetur 815 shqiptarë, 150 serbë dhe 100 persona nga komunitete të tjera, sa i përket pëlqyeshmërisë që ata kanë për liderët e politikës në Shqipëri, rezulton se përqindja më e madhe e tyre, pëlqejnë Sali Berishën (57.2 %).

Analisti Andi Bushati, në një intervistë për ‘Barometri’ në Euroneës Albania, tregoi se cilat janë arsyet që qytetarët në Kosovë pëlqejnë Berishën.

“3 arsyet do rendisja, e para është historia, kush ka parë në Kosovë ndryshimet demokratike, pa dyshim e lidh me emrin e Berishës, e dyta është përkatësia veriore e Berishës. E treta është fakti që kohët e fundit edhe për interesa ekzkluzivisht të veta, Berisha i është kundërvënë disa projekteve jo të mira për Kosovën, që nga ndarja e Kosovës e deri në fund te Ballkani i Hapur. Kjo lloj prezence edhe të ndan dhe të jep fansa mbështetës”-tha ai.

LEXONI GJITHASHTU: 

• Rama-Kurti, marrëdhëniet jo të mira, ja çfarë mendojnë qytetarët në të dy vendet
• Zjarr në një banesë në Tiranë, zjarrfikësja ne vendngjarje (VIDEO)