21 janari, Berisha nga SPAK: S’më kanë thirrur asnjëherë, kanë frikë nga dëshmia ime

Kryetari i Partisë Demokratike Sali Berisha u paraqit të hënën në SPAK në përmbushje të masës së sigurisë detyrim paraqitjeje.

Siç ka ndodhur edhe herët e tjera, Berisha u pritur para dyerve të Prokurorisë së Posaçme nga disa mbështetës të tij me të cilët është takuar një e nga një.

Kryedemokrati, i cili qëndroi në SPAK për pak minuta mbajti një deklaratë për mediat, ku veç të tjerash foli edhe për fletëthirrjen ndaj tij për çështjen e 21 janarit.

“Njoftim quhet kur një person merr përsipër ta njoftojë ose kur njoftohet direkt personi. Asnjë person nuk më ka ardhur të më thotë orë dhe datë e të më dorëzojë një letër.
Asnjë person nuk ka marrë asnjë letër në emrin tim. Kam dy posta elektonike. Një timen dhe një të Parlamentit që e kam përdorur vetëm një herë. Në bisedat e mia në Whats App apo sinjal, nuk më ka ardhur asgjë. Nuk më kanë thirrur asnjë herë sepse kanë pasur frikë nga dëshmia ime”, tha Berisha.