Berisha mbyll protestën nga selia e PD: 28 shkurti do hyjë në histori

Protesta e opozitës e thirrur nga Partia Demokratike u mbyll nga selia blu me fjalën e kryetarit të saj, Sali Berisha. Tubimi u shoqërua me tensione, sidomos pranë vilës së ish-diktatorit Enver Hoxha, ku një grup protestuesish hodhën molotov.

Në fjalën e tij, Berisha u shpreh:

“Një marshim triumfi si marshi juaj sot. Kjo datë, 28 shkurti, do të shkruhet në historinë e kryengritjes paqësore të shqiptarëve kundër narkoshtetit. Për 3 orë, marshi i juaj, ishte marshi i fitores, marshi i shqiptarëve, i dinjitetit, i guximit. Ishte mesazhi më i shkëlqyer që ju i dërguat çdo shqiptari, ishte mesazhi më i madh që i dërguar miqve tanë në Europë dhe botë. Ishte tmerri që i kalli datën Edi Ramës.

Molotovi në vilën e Enver Hoxhës u hodh pasi protestuesit kishin informacion se në shtëpinë e diktatorit banon Edi Rama. Kjo çoi në një urrejtje të jashtëzakonshme. Por Rama nuk banonte aty, banonte te vila e Mehmet Shehu. Edi Rama të dimë ku je, në Surrel ose te Vila e Mehmet Shehut”, tha Berisha.