Berisha: Më 6 dhjetor do të jetë protesta e radhës e opozitës

Kreu i Partisë Demokratike, Sali Berisha ka deklaruar se në datën 6 dhjetor do të jetë protesta e radhës e opozitës.

“Protesta e 12 nëntorit duhet të vazhdojë me protesta të tjera dhe data 6 dhjetor mendoj unë është një datë, rast historik që populli opozitar të ngrejë zërin e tij përpara përfaqësuesve më të lartë të demokracive evropiane, para të gjithë botës. Pikërisht me këtë agjendë, betejë kundër monizmit dhe ekzistencën e pluralizmit.
Mbrojtjen e pasurisë më të madhe publike që kanë shqiptarët sot, portin e Durrësit. Po plaçkitet në mënyrën më të paimagjinueshme, po përvetësohet nga klani Rama.
Agjenda do të ketë edhe tema të tjera, por mendon se një popull i shndërruar, në një popull gomonesh, si asnjë komb tjetër në Europë”, tha Berisha në një konferencë për mediat.

Kreu i PD-së nënvizoi se mirëpret në protestë kryetarët e shteteve dhe qeverive të BE-së.

“Ne mirëpresim dhe u urojmë mirëseardhjen e kryetarëve të shteteve dhe qeverive të BE-së. Protesta e jonë synon para së gjithash të dëshmojë se në këtë vend, i cili po varfërohet, vidhet shkretohet çdo muaj e më shumë, aspiratat demokratike janë të forta.
Ftoj që ta marrim këtë protestë tonën si një akt mirëkëpritje ndaj tyre dhe padyshim një akt armiqësor, flagrant, të hapur ndaj Edi Ramës i cili me aferat e tij turpëron çdo komb, qytetar, njeri, lirinë, pluralizmin, të drejtat, transparencën dhe çdo gjë tjetër.
Unë këtë propozim kisha sot”, u shpreh ai.

LEXONI GJITHASHTU:

• Opozita kundërshton për portin, Ngjela: Kush i pyet ata, për Shqipërinë është fat
• Paralajmëron gazetari: Gabimet që po bëjnë me portin e Durrësit
• Porti i Durrësit projekt mafioz, Meta: Gjithçka bëhet për të fituar nga apartamentet