Berisha: Më shumë se 200 kandidatë për primaret në PD

Kreu i Partisë Demokratike, Sali Berisha u shpreh në një konferencë për mediat se janë më  shumë se 200 kandidatë për primaret brenda opozitës për bashkitë.

“Por ne sot kemi një mbledhje me rend dite, një çështje që është themelore për aktualitetin e PD-së. Miratojmë kandidaturat e paraqitura për bashkitë në përputhje me statutin nga bashkitë e vendit. Komisioni i Operacioneve Zgjedhore më ka informuar mua se deri më tani janë mbi 200 e ca personalitete politike, të shoqërisë civile dhe të tjerë, të cilët kanë aplikuar për të kandiduar për qytetar të parë të bashkive tona. Unë kam një falënderim për secilin prej tyre. Këta janë personalitete të shquara të partisë, të jetës publike të vendit, individë me jetëshkrim suksesi dhe secili prej tyre me kandidimin, me besimin që ka shprehur, dëshmon vullnetin për të qenë një misionar i rikthimit të pluralizmit politik dhe një shërbëtor i qytetarëve të cilët paraqiten për votëbesim në radhë të parë të anëtarësisë dhe simpatizantëve të PD, dhe më pas të qytetarëve të qytetit”, u shpreh Berisha.

LEXONI GJITHASHTU:

• Alibeaj: Ish-pronarët të kompensohen me 100 përqind të vlerës së pronës
• Zelensky kthen ‘topin’ në fushën e Putinit: ‘Tani do ta shohim kush je!’
• Si duhet të lexohen F. Dostojevski dhe L. Tolstoi pas luftës në Ukrainë?