Berisha: Po të mos plaçkiste votën, Rama s’do rrinte as 4 ditë në pushtet

Kreu i Partisë Demokratike Sali Berisha, është shprehur se nëse Edi Rama nuk do të plaçkiste votën nuk do të rrinte as katër ditë në pushtet.

Gjatë një bisede me banorët e Kombinatit, Unazës e Astirit, Berisha tha Rama operon me tiraninë dhe fiktivitetin e votës.

“Po pyesin këto kohë mediat britanike dhe botërore: Ç’po ndodh me shqiptarët? Çfarë po ju vret atyre shpresën? Po ndodhin shumë gjëra. Por ajo që vret më shumë shpresën është humbja e besimit tek vota. Se shqiptarët nuk janë të pa mençur, jo, janë të mençur, por dhe ata e kuptojnë se nëse në vendin e tyre pushteti do të ndërrohej me votë, një njeri si ky nuk mund të rrinte as 4 ditë në pushtet.

Por ky plaçkit votën, ndaj dhe ata ikin. Edi Rama është një armik i shqiptarëve. John Kennedy thotë një gjë shumë të drejtë. Tre janë armiqtë kryesore të njeriut: tirania, sëmundja dhe varfëria. Edi Rama operon me tiraninë, fiktivitetin e votës, vendosi pushtetin absolut, por po kaq mizore është tirania e varfërisë, e mospasjes”- tha Berisha.

LEXONI GJITHASHTU: 

• 22 mln euro energji në nëntor, KESH blen me çmim 200 euro/megavat
• “Në 60 vite martesë, nuk bëri dot fëmijë”, nënë Sanija: Doja dy djem e dy vajza