Berisha: Rama mashtroi, gjykata amerikane nuk gënjen kurrë

Sali Berisha mbajti fjalën e tij në seancën maratonë të kësaj të enjteje në Kuvend.

Ai tha se Rama ka korruptuar McGonigal. Sipas kryedemokratit është Rama ai që mashtroi dhe gjykata amerikane nuk gënjen kurrë.

“Edi Rama ka kryer së pari krimin e shëmtuar të rekrutimit me korrupsion të kryeagjentit. Më 9 shtator është takuar me McGonigal në zyrë. Kush ia solli? Duçka juaj. Gënjen ai.Po çfarë është Duçka? Ai është njeriu që Rama e ka pajisur me pasaportë diplomatike, është zëvendësministri i Ramës që shkruante artikuj kundër gjykimit të Hagës për detin e Kinës Jugore, Duçka është njeriu që organizonte sponsorizimin prej qindra e mijëra dollarësh të ekspozitës së Ramës në Hong Kong. Duçka është njeriu që solli McGonigal,” – u shpreh Berisha.

Kreu i Partisë Demokratike theksoi se do heqin Ramën dhe do të krijojnë komisionin, i cili siç thotë Berisha është detyrim kushtetues.

Seanca maratonë e kësaj të enjteje pritet të zgjasë gati 24 orë. Do të zhvillohet mocioni me debat për kryeministrin Edi Rama sa i takon çështjes McGonigal.

Grupi parlamentar i PS-së do të ketë 750 minuta në dispozicion ndërsa PD-ja do të ketë 350 minuta.

LEXONI GJITHASHTU:

• Rama për revolucionin: Kali në protestë, e vetmja qenie që meriton respekt
• “Rama u largua nga Kuvendi“, Boçi kërkon ndërprerje të seancës plenare