Rama për revolucionin: Kali në protestë, e vetmja qenie që meriton respekt

Para se të largohej përfundimisht nga seanca maratonë e Kuvendit, kryeministri Rama nuk e kurseu dhe një ironi të fundit.

Ai kujtoi kalin, flokët e të cilit ishin lyer në ngjyrë blu, që ishte në protestën e opozitës bashkë me pronarin e tij nga Kurbini.

“Këtu tani rrugët ndahen. Më shumë dhe më qartë se asnjëherë tjetër, unë në punët e mia si kryeministër i Shqipërisë, ju në rrugës tuaj të revolucioneve, rrëzimeve, tërheqjes zvarrë, marshimeve, baltosjes sime dhe të kujtdo rreth meje, madje më keq akoma, edhe të Shqipërisë, narko-shtet, fole e mafies më të rrezikshme ndërplanetare, regjim komunist, fashist, gënjeshtra me bisht, lidhur bisht pas bishti deri tek bishti i kaltër i kalit të lirisë. Ai kalë është e vetmja qenie që meriton respektin tim në gërshetin e bishtave të revolucionit tuaj të radhës,” – u shpreh Rama.

Seanca maratonë e kësaj të enjteje pritet të zgjasë gati 24 orë. Do të zhvillohet mocioni me debat për kryeministrin Edi Rama sa i takon çështjes McGonigal.

Grupi parlamentar i PS-së do të ketë 750 minuta në dispozicion ndërsa PD-ja do të ketë 350 minuta.

LEXONI GJITHASHTU:

• “Byrektorja vazhdon punën”, Rama paralajmëron tjetër non grata
• “Rama u largua nga Kuvendi“, Boçi kërkon ndërprerje të seancës plenare