Berisha ‘shpall’ fitoren brenda opozitës

Ish-kryeministri Sali Berisha e lexon si fitore rezultatin e arritur nga koalicioni ‘Shtëpia e Lirisë’ në zgjedhjet e pjesshme të 6 mars.

Nga 6 kandidatët e mbështetur nga Berisha, vetëm Bardh Spahia fitoi në Shkodër.

Ndërsa në 5 bashkitë e tjera, ‘Shtëpia e Lirisë’ doli forcë e dytë përveç Rrogozhinës ku kandidati i PD mori më shumë vota.

Berisha tha se “Shkodra është simbol i frymëzimit i të gjithë popullit opozitar në Shqipëri” dhe theksoi se “populli opozitar votoi PD e rithemeluar”.

Pas zgjedhjeve të fundit parlamentare dhe shpalljes ‘non grata’ të Berishës, PD u nda në dy fraksione.

Përveç Shkodrës që Spahia e fitoi me 43%, PS arriti fitore të lehtë në 5 bashkitë e tjera me gati 60% të votave.