Të enjten do të mbahet protesta e radhës e opozitës. Kjo është konfirmuar nga kryetari i Partisë Demokratike, Sali Berisha.

Protesta do të zhvillohet para sërish para godinës së Kuvendit, ashtu si ditën e sotme.

Për rreth dy orë, opozita zhvilloi një protestë, e cila u shoqërua me tensione. Pak çaste pas fillimit të saj, disa protestues hodhën tymuese dhe lëndë plasëse në drejtim të forcave të policisë.

Madje, protestuestit u përplasën me policinë në përpjekje për të çarë kordonin e formuar.

Edhe seanca plenare u shoqërua me debate dhe tensione, ku kryedemokrati Sali Berisha vijoi me akuzat ndaj kryeministrit Edi Rama, në lidhje me skandalin e ish-zyrtarit të FBI-së, Charles McGonigal.

LEXONI GJITHASHTU

• Përfundon protesta, Berisha nga selia e PD-së: Beteja do të vazhdojë
• Video intime e McGonigal me ministrat, Berisha: Do hetoj 10 herë më shumë
• Berisha: Protestuesit janë të gatshëm të hyjnë brenda në Kuvend